Permesilo Krea Komunaĵo

Serĉilo


Kiel denaskuloj

2015-02-21

Mi parolas Esperanton kiel denaskulo

«Mi parolas Esperanton kiel denaskulo»

Kiel bone klarigis Toño del Barrio tiun ĉi supra spritaĵo de la forpasinta humuristo Spike Milligan estas ankaŭ realaĵo.

Esperanto estis elpensita kiel duan lingvan por la homaro, kaj do, tiu ŝajna strangaĵo de homoj kiuj denaske parolas Esperanton iam kaj iam vekas la intereson de amaskomunikiloj (vidu, ekzemple, tiun ĉi intervjuon al barcelona denaskulo Alfons Tur en El Periódico de Catalunya). La E-denaskularo eĉ havas sian propran stelulon Cooper, kies filmeto «furoris» en YouTube.

Ĉi semajnon, Alice Robb aperigis longan intervjuon kun kanada denaska esperantisto Gregory Nacu en gazeto New Republic. La artikolo ankoraŭ hodiaŭ aperas en la enirpaĝo de tiu grava usona gazeto.

Retpaĝo de <em>New Republic</em>

Retpaĝo de New Republic

Kaj hieraŭ, kiel kontribuon al Internacia Tago de Gepatra Lingvo 2015, @junesun (sprachprofi) alŝutis filmeton Esperanto: like a native kun intervjuoj al 6 junaj denaskuloj pri ilia spertoj kun tiu ĉi ne kutima lernado de la lingvo. La filmeto jam estas subtekstigita al pluraj lingvoj.

Esperanto like a native

Lingvisto Benjamin K. Bergen de Universitato de California studis 8 geknabojn denaske E-parolantojn dum Infana Kongreseto en Sommières (Francio) en aŭgusto 1998. La interesa rezultanta studo titoliĝas «Nativization Processes in L1 Esperanto» kaj aperis en fakgazeto Journal of Child Languages, publikigita de Cambridge University Press.

Serĉu en tiu ĉi retejo

© Javier Guerrero, 2009-2020